Introduction

¶ Incipit introductorium de principijs iudiciorum Zahelis Ismaelite.

¶ De diuisione signorum et de triplicitatibus. Capitulum I.

IN nomine dei pij et misericordis. Dixit Zahel bembiç Ismaelita. ¶ Scito quod signa sunt .12. et ex eis .6. sunt masculina et .6. feminina. Aries ergo est signum masculinum ex signis diei. et taurus femininum: ex signis noctis: et similiter succedit masculino femininum: et femi- nino masculinum vsque in finem signorum: et ex eis sex sunt signa directe ascendentia id est habentia directum ascensum: et ex eis .6. sunt tor tuose ascendentia id est ascensum habentia tortuosum. Et directe ascen dentia sunt ab initio cancri vsque in finem sagittarij: eo quod latitu- do vniuscuiusque eorum sit maior longitudine eius: et ascendit in plus duabus horis equalibus: ob hoc nominantur directe ascendentia: et tortuose ascendentia sunt ab initio capricorni vsque in finem geminorum: eo quod latitudo vniuscuiusque eorum sit minus longi- tudine eius: et ascendit in minus duabus horis equalibus ab hoc nominantur tortuose ascendentia. Et ex his .4. nominantur mobilia: id est aries: cancer: libra: capricornus: et ideo nominantur mobilia: quia cum sol ingrediatur in initia signorum illorum mutatur tempus ad substantiam temporis sequentis. ¶ Et quatuor ex eis sunt fixa id est taurus: leo: scor- pio: et aquarius: et ideo dicuntur fixa: quia cum sol ingreditur eorum minuta fi gitur tempus in esse suo et non mutatur id est si fuerit calidum: calidum erit. et si fuerit frigidum: frigidum erit. et si fuerit ver: ver erit. et si fuerit au tumnus: autumnus erit. ¶ Et ex eis sunt quatuor communia que arabice deue. grece deyn id est duum corporum dicuntur: que sunt gemini: virgo: sa gittarius: piscis. et ideo nominantur communia: quia cum sol peruenerit ad me- dietatem illorum commiscetur tempus: fitque medietas eius prima calida et alia frigida: aut medietas prima frigida: et alia calida. Et quedam ex eis dicuntur quadrupedia id est aries: tauris: leo: capricornus: et finis sagitta- rij. ¶ Sunt etiam eis signis quedam ignea id est aries: leo: sagittarius: et est triplicitas prima. Et 2a triplicitas est terrea et significat quicquid in terra est et ex terra nascitur: id est taurus: virgo: et capricor- nus. Et 3a triplicitas est aerea: et significat homines et ventos: et quic- quid fuerit in aere: id est gemini: libra: et aquarius. 4a est aquati- ca: et significat aquas: et quicquid in aquis est: id est cancer: scorpio: et piscis. Et quedam ex signis dicuntur tenebrosa id est libra et capricor- nus. Et est quidam locus in signis qui vocatur combustus: et est finis libre et initium scorpionis. Et quidam ex ipsis signis habent dimidiam vocem: id est virgo: capricornus: et aquarius. Et quedam ex his habent voces: id est taurus: aries: gemini: leo: libra: sagittarius. Et ex eis sunt quedam non habentia voces: cancer: scorpio: piscis. Et quidam sunt in generatione filiorum dimidia vel communia: id est nec ex toto sunt generantia: nec ex toto sterilia: id est taurus: gemini: et aquarius. Et quedam plures filios habentia: id est cancer: scorpio: et pi scis. Quedam vero sunt sterilia: aries: leo: virgo: libra: sagittarius: et capricornus. Et quedam ex eis significant montes et loca grauio- ra: id est aries: leo: sagittarius. Et quedam significant loca habitabilia et plana id est rura et que fuerint culta id est taurus: virgo: et capricornus. Quedam vero significant loca harenosa id est gemini libra et aquarius. Que- dam etiam significant loca humida et aquosa: vel que sunt iuxta aquam: id est cancer: scorpio: et piscis. Igitur signa ignea significant ignem et omnem substantiam que pertinet ad eum vel que per eum fit: et significant nobi- les. Et signa sementis significant terram et omne quod ex terra eleuatur. Signa quoque aquatica significant loca humida: et omne opus quod fit ex humiditate. Et signa generantia plures filios significant congregationes hominum. Arietis igitur triplicitas est calida: sicca: habet ex naturis choleram rubeam: et ex partibus mundi orientem: cuius triplicitatis domini sunt: sol in die: et iupiter in nocte: eorumque particeps in die ac nocte est saturnus. Tauri quoque triplicitas est frigida et sicca: h; ex naturis choleram nigram: et ex mundi par tibus meridiem: eius domini sunt venus in die et luna in nocte: horum particeps in die et nocte est mars. Geminorum triplicitas est calida et humida: et ex naturis h; sanguinem: et ex partibus mundi occidentem: et huius triplicitatis domini sunt: in die saturnus et in nocte mercurius: particeps quoque eorum in die ac nocte est iuppiter. Cancri vero triplicitas est frigida et humida: h; ex naturis flegma: ex partibus mundi septemtrionem: et huius triplicitatis domini sunt: venus in die et mars in nocte: quorum particeps in die ac nocte est luna.

¶ Capitulum substantiarum duodecim signorum: et quid significat omne signum.

SCito quod inuenimus vnicuique interrogationi seu rei quesite significationem qua significatur quicquid boni vel mali in eadem interrogatione fue rit: ex modis quos exposuerunt sapientes in si- gnificatione interrogationum et rerum ex substantijs duodecim signorum et ex naturis septem planetarum: et loca a quibus accipiuntur res: sicuti habent planete ex naturis et significatio- bussignificationibus: prout volente deo narrare disponemus. ¶ Prima domus ascendentis et omne quod in ea est de in- terrogationibus et ceteris ex duodecim signis. PRima domus cuius initium oritur vel ascen- dit in oriente hora interrogationis vel natiuitatis: seu alicuius operis inceptionis: et hoc si- gnificat vitam et mortem: quia est ascendens vite illius cum quo peruenit eius vita in mundum dum exiret de ventre matris sue. Ascendit enim hoc signum ab inferiori parte terre ad superiora illius: et quasi a tenebris ad lumen: et exiuit similiter na- tus de tenebris ventris ad lumen huius seculi: et de angustijs vteri ad latitudinem aeris: et ostendit interrogans interrogatio- nem suam ex secreto cordis sui: luxitque et patefacta est que prius fuit occulta. Significat ergo corpora et vitam et omne initium et motus corporis: et quicquid ab aliquo accidente venerit et vniuscuiusque rei inchoationem: seu euentum: et omne mobile: siue rationale atque initia omnium rerum. ¶ De secunda domo. Secunda domus ab ascendente non aspicit signum ascendens significat congregationem substantie: et continentiam vite et esse seruientium et acceptiones et donationes. ¶ De 3a domo. Tertia domus non ex toto est cadens ab ascendente significat germanos atque germanas: propinquos atque co- gnatos et esse eorum: patientiam quoque ac consilia fidem ac religionem et contentiones in sectis: epistolas: legationes quoque atque legatos et peregrinationes ac somnia. ¶ De 4a domo. Quarta domus dicitur angulus terre significat patres et esse eo- rum id est originem et radicem: parentelam atque carceres: terras et rura: villasque ac ciuitates: et omne edificium: omnemque te- ctum ac absconditum: siue thesauros absconditos et mortem: et quid sit futurum post mortem id est quid accidet mortuo scilicet ex sepultura scilicet et vtrum effodiatur mortuus vel cremetur: seu ponatur in patibu- lo: aut eijciatur in aliquo loco et cetera que accidunt mortuis: et significat finem eorum et domos ac terras id est hereditates et omne quod sepultum est sub terra. ¶ De 5a domo. Quinta domus succedit angulum terre et locus est amo- ris: quia est ex triplicitate atque gaudio ascenden- tis: et significat filios et omne in quo est fiducia: legatos quoque ac donationes honorem ac petitionem mulierum amicitias atque amicos ciuitates et esse ciuium earum: et fructus heredita- tionis. ¶ De 6a domo. Sexta domus cadens est ab ascendente nec aspicit eum: et est lo cus malignus et significat infirmitates tam separabiles quam inseparabiles et causas infirmitatum seruos quoque et ancillas: iniustitias: et a loco in locum mutationes. ¶ De 7a domo. Septima domus est angulus occidentalis: et significat nu- ptias et res earum: prelia et contentiones: et contrarietates et conuentiones que fiunt inter duos: illum quoque qui querit et qui queritur vt fugitiuus et latro: et ammissum et cetera horum similia: peregrinationes et amissiones rerum et causas earum: et hoc signum est inimicum ascendentis: et omnis planeta qui in eo fuerit oppo- nitur ascendenti. ¶ De 8a domo. Octaua domus succedit angulum occidentalem et significat mortem et interfectionem et venena letalia: et me- tum: et quicquid hereditatum a mortuis: et omne quod interijt et laborem ac tristitiam bella quoque et contentiones et pedissequas siue auxi- liatores aduersariorum siue contentorum et commendata: id est que traduntur seruanda: et villicationes segnities atque in- genia. ¶ De 9a domo. Nona domus est cadens ab ascendente et significat peregrina- tiones et itinera et deitatis culturam: et omnes domos religionis: philosophiam et prescientiam omnium rerum: sapientiam astrorum: et diuina- tiones: epistolas et legatos et legationes: seu rumores: somnia: fidem: et sapientiam diuinam: et sanctitatem atque religionem: et omnes res pre teritas atque recedentes: et virum ab honore siue opere suo deposi tum: et res futuri seculi: et prescientiam futurorum. ¶ De 10a domo. Decima domus dicitur angulus celi: et significat regem seu re- gnum exaltationem et imperium: gloriam: et memoriam: seu laudis vocem: matres quoque et substantiam furatam atque ablatam: iudices: principes et prelatos operum: et omne magisterium. ¶ De 11a domo. Undecima domus succedit angulum celi et significat amicos: fiduciam atque fortunam: substantiam regis atque eius redditus vel tributa: et eius milites et pedisse- quos: et virum qui succedit regem seu principem primum: et significat lau- dationes et filios. ¶ De 12a domo. Duodecima domus est cadens ab ascendente nec aspicit eum: significat inimicos et labo- res: lamentationes ac tristitias: susurrationes: dolositates: inuidias et caliditates maliuolentias et peregrinationes: malitiam: laborem: carceres: ac bestias.

¶ De diuisione circuli et dignitatibus siue fortitudinibus domorum.

Digniora autem omnibus circuli loci ac laudabiliora seque in inuicem in fortitudine succedentia sic di- stinguuntur. Circulus diuiditur in .12. signa: ex quibus quatuor no- minantur anguli id est signum ascendens. 4m 7m et 10m. hec signa sunt velut anguli celi que significant omne quod presens fuerit ex rebus id est presen tiam rerum et fortitudinem in omni re: et ex eis .4. vocantur succeden- tia siue sequentia angulorum id est ascendentia post eos id est 2m 5m 8m et 11m. hec significant omne quod futurum est: et quicquid sit: et succedit ex rebus: et reliqua quatuor dicuntur cadentia ab angulis qui recesserunt et ceciderunt ab angulis: que sunt 3m 6m 9m et 12m: et hec significant quicquid recessit et abijt nutu dei ex rebus. ¶ Fortior omnibus lo- cis circuli est ascendens: et hoc signum est dignius omnibus signis: et planeta qui in eo fuerit est fortior omnibus planetis: et maxime si fuerit idem planeta in domo sua vel in exaltatione vle tripli- citate aut in termino vel in facie sua: deinde succedit in for- titudine angulus celi: deinde succedit angulus occidentalis id est septimum ab ascendente: deinde succedit angulus terre id est 4m ab ascendente. Post hec sequitur hanc domum in fortitudine domus .11. ab ascendente: et hanc domus .5. deinde .9. Hec septem loca sunt laudabiliora et fortiora: primus locus est melior 2o. secundus me- lior 3o et cetera. et eliguntur post hec ex signis que bona cognoscuntur. Signum 3m ab ascendente: eo quod sit locus gaudij lune. deinde lo cus secundus ab ascendente: eo quod ascendat post ascendens. In 8o autem signo ab ascendente est impedimentum et infortunium magnum: quia est domus montis: et non aspicit ascendens: residua quoque circuli signa id est 6m et 2m sunt peiora omnibus locis atque deteriora: et omnis planeta qui in his locis fuerit nullius profectus erit: quia 6m signum ab ascendente est locus infirmitatum et vitiorum et omnium morborum separabilium et inseparabilium: et est cadens ab ascendente: nec aspi cit eum: et est locus gaudij martis: et 12m ab ascendente est locus inimicorum et laboris atque tristitie: et est cadens ab ascendente: nec aspicit eum: et est locus gaudij saturni. Nam saturnus gau det in lamentatione atque planctu ac tribulatione. Et nota quod omne signum aspicit 3m ante se: et 3m post se quod est 11m: et hic aspe ctus dicitur sextilis: eo quod sextam partem circuli teneat id est .60. gradus de .360. gradibus totius circuli. virgo planeta qui fuerit in initio arietis aspicit eum qui fuerit in gemini ante se: et eum qui fuerit in aquario post se et aspicit 4m ante se et 4m post se id est 10m: et hic aspectus dicitur quartus: eo quod quartam partem circuli teneat id est .9. gradus. Aspicit quoque 5m ante se et 5m post se id est .9. et hic aspectus dicitur trinus: eo quod teneat 3m partem circuli: idem .120. gradus. Aspicit etiam 7m per op- positionem: et hic aspectus est inimicitie: et si in his signis fuerint pla- nete: dicuntur se aspicere.

¶ De aspectibus planetarum.

Hi sunt aspectus planetarum id est coniunctio sextilis: et quartus trinus atque oppositus. Nam coniunctio est quando duo planete iunguntur im vno signo: et sunt inter eos .12. gradus et in- fra: hoc est terminus coniunctionis. ¶ Sextilis autem aspectus est a 3o signo et ab 11o. Quartus aspectus est a 4o signo et 10o. Tri nus aspectus est a 5o signo et 9o. Aspectus vero oppositus est a signo 7o. Igitur his aspectibus fortior est coniunctio atque oppositio: et hi sunt fortioris operis atque inimicitatis: et hi aspectus signifi cant inimicos palam nocentes: et significant contrarietates et participatio nes. Aspectus quartus est medius id est non ex toto detegit inimi- citias. Et aspectus sextilis secundus id est qui fit ab 11o est fortior sexti- li aspectu primo. Et quartus aspectus secundus id est qui fit a 10o est fortior 4o aspectu primo: et ex trinis aspectibus 9a domus id est aspectus secundus fortior est trino aspectu primo: et hic aspectus vocatur eleuatio id est al tior. Signa autem que seinuicem non aspiciunt: nec planeta qui in eis est aspicit alium sunt hec. signum 2m 6m 8m et 12m. cetera vero preter hec aspiciunt se.

¶ De effectu et detrimento planetarum.

Scito quod omne quod significant stelle faciendum vel non: fit .16. mo dis: hoc est alichel arabice: quod latine sonat profectus. Alidber id est deterioratio. Alctisal id est coniunctio. Alinciraf id est separa tio siue disciunctio planetarum a coniunctione sua. Annael id est translatio. Algenmee id est congregatio vle collectio: quod melius sonat. Alma ne id est vetatio vel prohibitio. Alcobol id est receptio. Baiaralco- bol id est inreceptio. Balaacen id est euacuatio cursus. Airchad id est redditus. Dapha alchia: id est pulsatio virtutis. Dapha aredir: id est pulsatio dispersionis et nature. Alcdetih: id est virtus vel fortitudo. Adof: id est debilitas. Uvanuelhal- camar id est esse lune.

¶ Expositio alichel.

Alicbel est quando planete fuerint in angulo vel in sequente an- gulum. Alidber est vt sit planeta cadens ab angulis. Alictisal est vt petat planeta leuis atque velox coniunctionem alte- rius planete tardioris atque ponderosioris: et si planeta leuior minus gradibus quam tardior quam diu iuerit ad eum: donec iungatur ei: et fuerit in tali minuto per aspectum. Mutatil id est coniunctus vel con- glutinatus ita vocatur: donec separatur ab eo per gradus vnius spa tium: et tunc vocatur inuersarif id est separatur ab eo. Sed si coniunguntur pla- nete in vno signo: non dicitur separatus planeta ab alio donec transeat eum per spatium sui dimidij orbis id est sui luminis: quia vnusquisque planeta habet orbem luminis: et partes singulares: et dimidium ipsarum partium est ante ipsum planetam: et aliud dimidium post eum: quo spatio dum transierit planeta alium vocatur separa- tus ab eo.

¶ Scientia luminum vel orbium planetarum.

Scito quod orbis luminis solis est .30. graduum: cuius medie- tas est ante illum: id est .15. gradus ante ipsum solem: et .15. gradus retro. Cumque fuerint inter solem et aliquem planetarum gradus ab vno vsque ad .15. tunc proijcit lumen suum super eum et coniungitur ei: et lumen lune .12. gradus ante et .12. retro: et lumen veneris et mercurij vniuscuiusque eorum .7. gradus ante et .7. retro huius luminis quantitate alter alteri iungitur planete: lu- men saturni et iouis vniuscuiusque eorum .9. gradus ante et .9. re- tro. Lumen autem martis est .8. gradus ante et .8. retro. Cumque aspexe- rit planeta alium et suo lumine percusserit gradum illius dicitur coniungi illi: et nisi percutiat cum lumine suo: non vocatur ei coniunctus: sed vadens ad coniunctionem donec incipiat iungi ei: et si fuerit planeta in fi- ne alicuius signi nemini iunctus et percusserit alterum signum lumine suo quisquis planetarum fuerit dignior lumine il- lo erit coniunctus ei: licet planeta qui fuerit in primo signo non videat eum.

¶ Expositio recessionis vel separationis planetarum.

Expositio recessionis vel separationis planetarum est vt pretereat planeta leuior alium pon- derosiorem: et incipiat habere plus gradus tam in aspectu quam in coniunctione. nam aspectus est a signo in signum. Con- iunctio autem dicitur a gradu in gradum. et hec scientia est Messahalah: id est quem deus voluit magistrum.

¶ De translatione luminis.

Translatio luminis a planeta in planetam est vt se- paretur planeta leuior ab alio pondero- siori et iungatur alteri: tunc quasi coniungit eos et defert natu ram primi ad alterum cui iungitur. Cuius rei exemplar est vt esset ascendens virgo: et fieret interrogatio de coniugio: et esset luna in decimo gradu signi geminorum: et mercurius in octauo gradu leonis: et Iuppiter in 13o gradu piscis: erat dominus ascendentis qui erat significator interrogatio- nis nos aspiciebat Iouem qui est dominus domus coniugij. quia erat in octauo signo ab eo. Aspexi ergo lunam quam scilicet in- ueni in .10. gradu geminorum separatam a mercurio et iun- ctam Ioui: deferebat enim inter vtrosque lumen: et hic si- gnificauit effectum rei: id est acceptionem mulieris per ma nus legatorum et inter vtrosque discurrentium.

¶ De coniunctione luminis planetarum.

Coniunctio luminis est quando dominus ascendentis et dominus quesite rei: iunguntur planete ponde rosiori se: qui coniungat eorum fortitudinem atque lumen: et accipiat eorum naturas. verbi gratia. quedam interrogatio fuit de rege. vtrum acquireret regnum an non: et erat ascen dens signum libre: cuius domina venus que erat signifi- catrix interrogationis in .10. gradu signi arietis. et luna do mina domus regie: que significat regnum in .12. gradu si- gni tauri non aspicientes se: et erat Iuppiter in .15. gradu signi cancri in angulo celi in domo scilicet regia: et luna atque Ue nus iungebantur ei: coniungebat ergo Iuppiter lumen: id est radios ambarum in loco quesite rei: id est in loco re- gni: et significat acquisionem regni per manus cuiusdam du cis siue episcopi: vel per manus alicuius viri dilecti cui am- bo planete libenter tribuant ascensum.

¶ De prohibitione luminis et fit tribus modis.

Almana id est prohibitio fit tribus modis: quorum vnus dicitur abscisio luminis: et hic fit quan- do inter dominum ascendentis et dominum quesite rei fuerit planeta aliquis in paucioribus gradibus vnius eorum et fue rit coniunctio cum eodem antequam fiat coniunctio cum domino rei: cuius exemplum est vt esset ascendens virgo: et interro- gatio fieret de coniugio: et mercurius dominus ascendentis qui est significator interrogantis in 10o gradu signi cancri: et Iuppi- ter dominus domus septime qui est significator sponse in .15. gra du signi piscis: et mars erat in .13. gradu arietis: abscindebat ergo mars lumen mercurij a Ioue: et erat mars in .8. signo scilicet substantie mulieris: significauit quod destructio huius rei fieret ex descriptione dotis.

¶ Secundus modus est vt planeta leuis et alter ponderosior sint ambo in vno signo et sit tertius inter eos in eodem signo petens coniunctionem ponderosioris: hic aufert coniunctionem primi: cuius exemplum est vt esset ascendens cancer: et in- terrogatio fieret de coniugio: et Luna in .8. gradu geminorum et mars in gradu .10. predicti signi. Saturnus vero in .12. gra- du eius ante martem. Mars ergo separat lunam et saturnum: et aufert coniunctionem eorum et destruit causam eorum.

¶ Tertius modus est vt planeta leuis iungatur alteri planete ponderosiori in vno signo: et si alter qui eidem ponderosiori per aspectum iungatur qui sit infra illum leuiorem in gradibus id est minus gradibus. Planeta ergo leuis qui cum ponderoso est in vno signo prohibet coniunctionem alterius qui aspicit. Cumque transierit: vera erit eius coniunctio: et is modus similiter prohibet causas et reddit eas sicut alij precedentes. Cuius exemplar est: vt esset ascendens cancer: et fieret interrogatio de coniugio: et luna domina ascendentis que est si- gnificatrix interrogantis esset in .15. gradu scorpionnis et mars in .18. gradu tauri: et saturnus in .23. gradu eiusdem tauri: eratque mars supra gradus lune id est in plus gradibus: et ideo abscindebat aspectum inter lunam et saturnum et prohibebat eorum coniunctionem quia mars iungebatur saturno in vno signo et huius coniunctio est fortior coniunctione aspectus. Aspectus enim non destruit coniunctionem: sed coniunctio destruit aspectum: et aspectus non abscindit aspectum sed prohibet causam. Coniunctio vero abscindit aspectum: et aliquando iungitur vnus plane- ta alteri: sed antequam veniat ad ipsum iungitur alteri: et cum illu iunctus fuerit destruitur ipsa coniunctio.

¶ Similiter si planeta iungatur alteri planete in vno signo et mittat dis- positionem suam alteri id est iungatur alteri qui sit in alio signo: et post coniunctionem istius per aspectum peruenerit ad eum cum quo est in vno signo et iungitur ei erit iudicium secundum planetam qui est cum eo in eodem signo. Cuius exemplum est: vt esset luna in .10. gradu tauri: et mars in .20. gradu eiusdem tauri: et luna iunge- retur veneri per aspectum antequam iungeretur marti: et esse ve- nus in .15. gradu cancri: licet esset venus minus gradibus refere tur tamen iudicium ad martem eo quod esset cum luna in signo vno: et hu- iusmodi coniunctio fortior est aspectu vt diximus: hec est expositio eorum que diximus quia aspectus non annullat con- iunctionem et coniunctio annullat aspectum.

¶ De receptione planetarum.

Fit autem receptio planetarum cum planeta iungitur planete a do- mo vel exaltatione sua: tunc recipit eum bono animo et perfecta receptione. Est et alia receptio infra istam id est minor ista quando videlicet planeta iungitur planete domino ipsius triplicitatis et termini: vel domino termini et faciei id est quando iungitur planete qui ha beat in loco suo de his minoribus dignitatibus duas vel plures: et tunc erit vera receptio. si vero vnam tamen habuerit non erit ibi receptio: et ideo dic hic quia quod diuersum fuerit ab istis: alienatur a perito astrologo: et pro nihilo dicitur. Cui ius exemplar est vt luna esset in ariete: et iungeretur mar- ti qui est dominus arietis et tunc reciperet eam mars: quia est in domo eius: aut iungeretur soli reciperet eam sol: quia est domus exaltationis sue: aut esset in tauro: et iungeretur ve- neri aut in geminis: et iungeretur mercurio: hec est receptio perfecta. Receptio autem triplicitatis est vt sit luna in virgi ne in termino veneris et iungatur eidem veneri: essetque venus domina triplicitatis lune et domina termini eius: aut sie esset lu- no in geminis in termino saturni: et iungeretur saturno: reci peret eam saturnus: quia est dominus triplicitatis et termini. Cumque fuerit luna vel planeta in tali similitudine erit recepta. Hec est sententia Mesehalah: in receptione triplicitatis et ter- mini. Et si fuerit luna in hac similitudine iuncta alicui pla nete: et ipse planeta iunctus fuerit domino domus in quo est luna: aut domino eius exaltationis erit luna recepta: et si fuerit luna vacua cursu: post hec transierit ad alterum signum et iuncta fuerit domino primi signi aut domino ex- altationis eius: erit luna recepta: et si fuerit planete iuncta qui non fuerit dominus primi signi aut dominus exalta- tionis eius impedit eam. Sed hec loca sunt: in quibus nonon fit receptio neque coniunctio: cum luna scilicet aut dominus ascen dentis iunctus fuerit planete qui non habeat in loco lune vel domini ascendentis testimonium id est aliquam dignita tem non cognoscit eum nec recipit. Similiter si iuncta fue rit luna aut dominus ascendentis planete in descensione sua erit quasi qui venit ad eum de domo inimicorum suo- rum: et non recipit eum nec diligit: cuius exemplum est: vt sit luna in ariete: et iungatur saturno aut in capricorno: et iungatur ioui: aut in cancro et iungatur marti: aut in libra et iungatur soli: aut in virgine et iungatur veneri: aut in pi- scibus et iungatur mercurio. Et si aliquis significator fuerit in descensione sua: et iunctus fuerit planete qui non habeat in loco illius significatoris potestatem: domum scilicet vel exaltationem: videbis eum pro nihilo: ac si alicui que- renti daretur vestimentum ignotum: et si iunctus fuerit planeta alteri planete in descensione sua: aut descenderit ipse planeta pulsans facit eum descendere: et minuit quod veniet ei ex hoc.

¶ De cursu planete vacui.

Expositio cursus vacui cum luna et orbis eius: vel planeta fuerit vacuus: et planeta fuerit qua- si exulans: tunc dicitur vacuus cursu: hoc est quando nulli pla- nete iungitur: aut nullus planetarum iungitur ei.

¶ De expositione redditus.

Expositio redditus est quando planeta vel luna iun gitur retrogrado planete aut sub radijs solis et reddit ei quod recipit ab eo: et destruit causam. Al- ter quoque modus est de redditu et iudicio et destructione: vt iungatur planeta pulsans id est leuis qui sit cadens ab ascen dente planete ponderoso cadenti tunc reddit ei quod rece pit ab eo et destruit eius dispositionem: et significat quod inter- rogatio ipsa non habeat initium nec finem. cuius exem- plum est: vt sit ascendens cancer et luna in sagittario in vn- decimo scilicet cadens ab ascendente et iungatur marti: et ipse mars fuerit in geminis in duodecimo ab ascendente cadens: et tunc significat destructionem initij interrogatio- nis huius et finis.

¶ Et est alius modus de redditu vt sit planeta leuis qui iun gitur in angulo: et iungatur planete cadenti ab ascendente: cui erit illi cause initium: quia ille qui iungitur qui significat rei initium: erat in angulo et non habebit finem: quia receptor eius: qui signifi cat finem rei erat cadens: et ille qui iungitur est leuis: et ab eo est initium rei. et receptor est ille qui est ponderosus: et nominatur receptor dispositionis: et leuis vocatur pulsator dispositioni.

¶ De pulsu virtutis.

Expositio huius rei est vt iungatur planeta alteri de domo sua: aut de triplicitate: aut de exal tatione sua sub tali exemplo: vt eset scilicet luna in cancro vel in tauro et iungeretur ioui vel alteri ex planetis et pulsaret vir- tutem suam ad eum: quia pulsauit id est commisit dispositionem suam de domo et exaltatione sua. Similiter faciunt reliqui cum pul- sauerint dispositionem ex domibus vel exaltationibus suis.

¶ De pulsu dispositionis et nature.

Pulsatio quoque dispositionis ac nature est: vt plane ta iungatur cum alio planeta de domo vel exaltatione: et pulset dspositionem seu naturam suam ad eum: cuius exemplum est vt luna vel aliquis planetarum eset in ariete et iungeretur mart: vel esset in geminis et iungeretur mercurio: et luna cum fuerit in tauro vel in cancro pulsat vtrasque: virtutem scilicet et dispositionem: et cum non fuerit in his duobus signis: pulsat tamen dispositionem.

¶ De fortitudine planetarum.

Expositio autem fortitudinis planetarum cui deerit occasio siue impedimentum ad perficien- dam causam cum receperint atque promiserint: fit hoc .11. modis. ¶ Quorum primus est: vt planeta sit in bono loco ab ascen- dente id est in angulis et succedentibus angulorum ex locis scilicet quia aspi ciunt ascendens. Secundus est: vt sit planeta in aliqua partium suarum vel dignitatum hoc in domo sua: aut exaltatione aut triplicitate: vel termino seu facie sua vel gaudio suo. Tertius est vt sit directus. Quartus vt non sit cum eo ma lus planeta id est in eodem signo in quo fuerit cui sit iunctus: aut aspiciat eum ab oppositione vclvel a quarto aspectu. Quintus vt non iungatur stelle cadenti ab ascendente: aut planete qui sit in descensione sua: aut sit ipse in descensione sua. Sextus vt sit receptus. Septimus vt sint planete altiores mascu- lini qui sunt Saturnus. Iuppiter et Mars orientales id est vt appareant in mane exeuntes de sub radijs solis: et planete feminini id est venus: mercurius luna occidentales id est apparen- tes vespere. Octauus: vt sint planete in suo lumine id est sint planete masculini in die et feminini in nocte. Nonus vt sint planete in signis fixis. Decimus vt sint planete in corde so- lis: cum sole in vno gradu: quia tunc fortune augent fortunam et bonum: et malorum confortatur malum. Undecimus est vt sint planete masculi in quartis masculinis ex partibus ascen dentis ex circulo: hoc est a medio celi in ascendente id est a quarto in septimum directi: et planete feminini: in quartis femininis id est a septimo in medium celi et ab ascendente in quartum directi: et sint planete masculi in signis masculinis et planete femi nini in signis femininis. Hec sunt testimonia quibus confortan tur planete et non habent occasionem que eis noceat: ad perfi- ciendam causam: quando receperint et promiserint.

¶ De debilitate planetarum.

Debilitas vero planetarum fit .10. modis: et impedimentum eorum in natiuitatibus et interrogationibus: ex quibus modis vnus est vt sit planeta cadens ab angulis et non aspi ciat ascendens id est in 6o vel 12o. Secundus est vt sit planeta retrogradus. Tertius vt sit sub radijs solis. Quartus vt iungatur malis planetis ex coniunctione vel oppositione id est vt sit cum eo in vno signo vel sit in septimo eius aut ex quar to aspectu id est a quarto signo. Quintus vt sit obsessus inter duos malos: id est vt separetur ab vno malo et iungatur alteri. Sextus vt sit planeta in descensione sua: vel iungatur plane- te qui sit in sua descensione. Septimus vt iungatur planete ca- denti ab ascendente aut sit a planeta separatus qui eum recipie- bat. OctatusOctauus vt sit planeta in domo in qua non habet testimo- nium id est aliquam dignitatem id est vt non sit in domo sua aut exalta- tione sua: vel triplicitate et cetera. et vt sit peregrinus: et iam inse quutus a sole id est ante solem. Nonus vt sit planeta cum ca- pite vel cauda: si ei nulla fuerit latitudo. Decimus cum pla- nete impedierint semetipsos id est cum fuerint in oppositione domo- rum suarum: quod est illis quoddam impedimentum. Hec sunt ergo capitula in quibus est impedimentum seu detrimentum pla- netarum que fiunt in natiuitatibus id est interrogationibus et in ceteris operibus. Serua ergo hos modos quos diximus in planeta qui recipit dispositionem et qui pollicetur causam.

¶ De vitijs lune et eius malo esse.

Uitia ergo lune et esse suum malum quibus detrimenta fa- cit rerum in omni interrogatione: et in omni initio fiunt .10. modis. Et primus est vt sit luna scilicet combusta infra radios solis: nondum transiens .12. gradus. et post ipsum similiter: sed hoc leuius est. Secundus vt sit in gradibus descensionis sue: aut iungatur planete in sua descensione. Tertius vt sit in op- positione solis infra gradus .12. nondum veniens ad gradum oppositionis. Quartus vt sit iuncta malis vel aspiciant eam a quarto aspectu: aut ab oppositione: aut sit obsessa inter duos malos separata scilicet ab vno: et iuncta alteri. Quintus vt sit cum capite vel cauda in vns signo: et sit iter eos minus .12. gra dibus. Sextus vt sit in signo .12. a domo sua: quod signum est geminorum: aut sit in fine graduum signorum qui sunt termini malo rum. Septimus vt sit cadens ab angulis aut iungatur planete caden- ti ab angulis. Octauus vt sit in via combusta: hoc est in fi- ne libre et initio scorpionis. Nonus vt sit feralis vel cursu va cua. Decimus vt sit cursu tardior id est quando minuitur ex ea eius equa- tio: aut quando minuitur lumen eius quod est in fine mensis lunaris. Hec sunt predicta vitia lune et eius impedimenta: sub quibus non debet vllum opus incipi id est dum ita fuerit luna non debet aliquod opus incipi: nec laudatur in natiuitate nec in peregrinatione. Scito etiam esse lune in augmento huius luminis et eius diminutione id est dum crescit et dum minuitur: quia luna dum augmentatur id est dum crescit si aspexerit eam mars a signo quarto vel a septimo: aut fuerit cum ea in vno signo: impedit eam mars: quia erit tunc calida. Econtrario autem si cum ea fuerit saturnus et minuitur: aut eam aspexerit a quarto aspectu vel ab oppositione impedit eam: quia cum fuerit luna plus lumine. hoc est in initio men- sis et fuerit calida: non impedit eam saturnus: quia est frigidus. et impedit eam mars quia est calidus. et cum fuerit minus lu- mine: hoc est in fine mensis erit frigida: tunc non impedit eam mars quia est calidus: et impedit eam saturnus quia est frigidus. Et scito quod saturnus in natiuitatibus diurnis et interrogatio- nibus que interrogantur in die: et in initio mensis. et in signis masculinis minus impedit: et in fine mensis. et in signis femi ninis plus impedit: et mars in nocte et in signis femininis: et in fine mensis minus impedit: et in die et in initio mensis et in signis masculinis plus impedit: et non vocatur planeta im- peditus nec luna: neque signum: donec sint mali cum eo: aut aspiciant eum a quarto signo vel a septimo: aut a decimo: nec vocatur fortunatus planeta: neque ascendens donec sint fortune in angulis eiusdem planete: vel in angulis ascendentis.

¶ De planetis obsessis.

Expositio planete obsessi est: vt sit planeta inter du- os malos separatus ab vno eorum et iunctus alteri absque proiectione radiorum alterius planete inter eos id est vt nullus alius planeta proijciat radios suos inter eos: et eo fortius ac deterius si fuerit separatio ac coniunctio a septem gradibus et infra. cuius exemplum est: vt sit mars in decimo gradu cancri: et saturnus in .18. gradu arietis: et lu- na in .13. libre: et luna separata a marte ex 4o aspectu 2o et iun cta saturno ab oppositione: tunc erit luna obsessa: quia sepa- rata a lumine martis et iuncta lumini saturni.

¶ De planeta in lumine suo.

Dicitur planeta esse in lumine suo: vt mars cum fue rit in nocte significator qui est nocturnus: et saturnus in die dicitur esse in lumine suo qui est diurnus.

¶ De testimonijs planetarum.

Expositio quoque eorum que dicuntur de planetis quod ha- bent testimonia aut partes seu dignitates: si fuerit planeta in domo sua aut in exaltatione sua: aut tri plicitate vel in termino suo: aut in facie sua: ipse est profi- ciens cum fuerit in signo in quo habeat testimonia.

¶ De gaudijs planetarum.

Expositio autem gaudij planetarum fit quatorquatuor mo- dis. primo autem gaudium eorum est ex circu lo quia mercurius gaudet in ascendente: et luna in tertio: et ve nus gaudet in .5. et mars in .6. et sol in .9. et iuppiter in .11. et sa- turnus gaudet in .12. ¶ Secundo gaudium quod habet ex for titudine eorum in domibus suis. Nam saturnus gaudet in aquario: eo quod sit signum masculinum: et iuppiter gaudet in sagittario: et mars in scorpione: et sol in leone: et venus in tau ro et mercurius in virgine: et luna gaudet in cancro. ¶ Tertio quia planete diurni gaudent cum fuerint in oriente: hoc est quando oriuntur in mane: et planete nocturni gaudent cum appa- ruerint vespere in hemisperio occidentali. ¶ Habent et quar- tum gaudij modum: quia saturnus et iuppiter atque mars gaudent cum fuerint in parte circuli masculina: que est a medio celi vsque in ascendentem: et a signo quarto in septimum: luna vero et venus gaudent cum fuerint in parte feminina a .7. scilicet vsque in medium celi: et ab ascendente in angulum terre: quod est si- gnum quartum. Mercurius autem gaudet in vtrisque partibus id est cum fuerit cum planetis masculinis gaudet in parte masculina: et cum fuerit cum femininis gaudet in parte feminina propter diuersi- tatem horum planetarum et eorum domorum.