On Elections

Zahelis de electionibus liber.

Omnes concordati sunt quod electiones sint debiles, nisi in regibus, habent enim isti, licet debilitentur eorum electiones, radicem, id est [!] nativitates eorum, quae confortant omnem planetam debilem in itinere. Vilibus vero et mercatoribus et his qui sequuntur non eligas aliquid, nisi supra nativitates eorum et revolutiones annorum illorum et supra nativitates eorum filiorum. Quorum autem ista ignorantur, accipiantur eis inter- rogationes et sciatur effectus rei eorum ex eis, postea eligatur eis secundum hoc. Quia dum interrogaverit quis de semetipso, iam pervenit ex nativitate sua ad bonum vel ad malum, quia ipse est et est qui te interrogaverit, (id est in hora qua te invenit aliquis). Et si sit ille, cuius res quaesita non fiet vel ille vir qui te interrogat aut qui vadit ad bellum, si morietur, cave ergo ab huius- modi electionibus. Quomodo enim eligas ei cuius radix destructa est, maxime cum hoc sit initium primum et radix antiqua in qua est fiducia? Cave igitur eligere ei, cuius radix nativitatis vel interrogationis significaverit aliquod horribile. Ad quod cum pervenerit, si posueris omnes fortunas in angulis et cadere feceris malos ab eis (nihil proficiet ei) et omnis planeta qui non congruerit domino ascendentis eius non proderit illi viro quicquam, et maxime illis qui sunt viles et mediocres, quia nescis utrum eligas ascendens vel stellam quae sit ei in radice inimica, vel fuerit in eodem signo ascendente, quod ei eligisti, malus. Hoc enim admiratur in illis qui equitant mare aut in illis qui peregrinantur in una hora (quorum intentio est in una peregrinatione), sed quidam eorum naufragium patiuntur, quidam vero evadunt et qui- dam eorum inveniunt substantiam, quidam vero nihil inve- niunt. Non enim assimilatur esse quorundam, aliorum eorum esse. Et iam multotiens probavi hoc in collatione quo- rundam qui exierunt a loco in una hora et pervenerunt ad aliam regionem in una hora, sed quidam eorum velocius re- versi sunt cum optima substantia et quidam ibidem tardave- runt, quidam vero eorum perierunt antequam redirent ad do- mos suas. Hoc enim eis accidit ex nativitatibus suis et ex divisione eorum in ipsis annis. Videmus etiam quosdam gaudere et potare in die malo et in timendo die, scilicet multorum impedimentorum, et congregantur atque ingreditur super eos rixa in die bono et laudabili. Et videbis fortassis significatorem, iunctum malo ex quarto aspectu vel oppositione, aut erit cum eo in uno signo et inveniet tamen in eo bonum, quare hoc nisi quod mali fortassis magis congruerint ei, quia erant domini ascendentis primi vel domini divisionis eius aut domini ascendentis (revoluti- onis) anni. Cum autem elegeris supra ascendens inter- rogationis aut nativitatis, quam nosti, vel supra dominum ascendentis, id est signum profectionis anni, erit electio tua dignior, quia scies quid eis sit congruum ex stellis et quid sit eius ascendens. Cave ergo in hoc capitulo et sit opus tuum simile electioni tuae. Et scito quod omnipotens et altissimus creavit omnem creaturam, mundum scilicet et quicquid in eo est ex quattuor naturis, id est ex quattuor elementis, et collo- cavit terram et omne quod super eam est ex rationali et irrationali et ex mobili et immobili in circulo, posuitque inter hoc et circulum res subtiles quas sciunt sapientes, ut illa subtilis occasio quam posuit inter lapidem magnetis et ferrum et quae est inter patrem et filium et inter comedentem et cibum. Scito hoc et intellige eum. A concordia ergo quae est inter utrasque substan- tias, superiorem scilicet et inferiorem, temperantur res et adversitate destruuntur. Et fortunae sunt aequales, id est temperatae naturae, mali vero nocibilis naturae ideoque volunt impedire et si receperint tamen, non omnino deerit eorum substantia [!] et calliditas eorum adversitatis, et sunt quasi fures et cives malorum ex hominibus, et ab eis venit adversitas et discordia, commu- tatio quoque ac rerum confusio. Intellige hoc totum.

Ascendens et quicquid in eo est de electionibus. In scientia naturarum signorum prima quorum sunt mobilia.

Scito quod signa mobilia significant mobilitatem rerum festinanter et nihil durabile sit in eis nec prolongatur tempus illorum. Bonum tamen est in eis seminare, emere, vendere et mulierem firmare, (haec omnia sub eis proficiunt) et infirmus liberabitur cito, contentio quoque in eis non prolongatur et fugitivus revertetur cito. Peregrinatio etiam utilis est in eis, et si quis promiserit in eis aliquid, non proficiet promissum. Locutiones, somnia et rumores in eis falsi erunt, non curet sub eis aliquis medicus, nec plantetur sub eis aliqua plantatio et non fundetur in eis fundamentum, quia malum est. Et omne quod inceperis in eis, cuius stabilitatem volueris, non erit stabile, omne autem opus instabile (et festinationes), quod volueris facere, incipe sub eis. Et velociora mobilibus sunt Aries et Cancer, sunt enim plus tortuositatis et plus mobili- tatis. Libra vero et Capricornus sunt fortiora et magis temperata. Porro fixa congrua sunt omni operi, cuius stabilitas et prolongatio quaeritur et quod vult auctor eius esse durabile. Bonumque et utile est in eis aedificare et nuptias celebrare, postquam fuerit desponsatio in mobilibus. Et si in eis dimissa fuerit mulier a marito, non revertetur ad eum. In iudiciis vero et inceptionibus in eis non erit postea fiducia, nisi multiplicentur in eis testimonia fortunarum. Et qui vinctus fuerit in eis, prolongabitur eius carcer, et qui irascitur in eis, non poterit cito mitigari; conditiones vero et mercedes in eis utiles sunt, bonumque erit aedificare et facere fundamenta. Scorpio autem levior est omnibus fixis et Leo magis fixus, Aquarius est tardior ac deterior, Taurus vero magis est planus. Signa communia in participatione et fraternitate sunt utilia et quicquid operatum fuerit in eis, saepe erit iteratum. Emere vero et nuptias celebrare in eis non erit utile nec proficuum, et erit in eis ingenium et deceptio, et cui obicitur in eis aliquid, evadet et sanatur ex eo quod sibi obicitur. Et qui incarceratur in eis non figitur, nisi in timore proprie, propter parvitatem suae apparitionis et exitus eius; et qui egreditur ex carcere, redit ad locum suum; et qui capitur in eis fugitivus, redit ad fugam suam secundo; et qui vadit in eis ad iudicem, non firmatur ei sententia neque iudicium. Neque in eis vadit aliquis in navi, nam qui vadit, permutatur ex ea ad aliam; cui promittitur aliquid in eis, dissolvitur et non completur ei aliquid de illo; et infirmus in eis sanatur, deinde incurrit recidivationem. Totum ergo quod advenit homini in eis ex bono et malo duplicatur super eum; et si quis moritur in eis, tunc moritur post eum in illo loco alius in proximo. Et permutatio, et ablutio capitis et barbae, et purgatio auri et argenti in eis sunt convenientes, et mittere pueros ad litteras. Si autem vis incipere aliquid ex eis quae dixi tibi, tunc pone Lunam in ascendente illarum domorum conveni- entium ei quod vis, et coniunge Lunam cum fortunis recipi- entibus in illo signo. Et signa quidem diei in operatione diei sunt fortiora, et pone ascendens diurnum [...]. Signa aerea conveniunt venationi in terra et mare, et signa regalia conveniunt regibus, et signa quibus sunt voces conveniunt ei qui canit fistulam cum crudo et voci alhool [!] et cantilenae, et signa ignea conveniunt omni quod sit cum igne, et signa aequalitatis, in quibus aequantur nox et dies, conveniunt veritati et veridictioni et ei qui operatur cum lancibus, et signa mutabilia, et sunt illa in quibus incipiunt mutari nox et dies, conveniunt mutationi et ei qui vult permutationem de re ad rem. Et considera ad omne opus quod tu vis incipere, quae sit natura illius signi ex orbibus, et coniunge Lunam et dominum ascendentis cum illa substantia et radix illius naturae et virtus eius est illa hora inceptionis. Quod si vis illud quod est ex parte dominorum, et principum, et magnatum, et praepositorum super civitates et spectabilium, et dominorum pugnae et largorum [!], tunc tibi est per Solem, et quod est ex parte sublimium, tunc tibi inest per Iovem, et agricolarum et infimorum, tunc tibi inest per Saturnum, et ducum et dominorum pugnarum, tunc tibi inest per Martem, et quod est ex parte mulierum, tunc tibi inest per Venerem. (Et emptionis, et venditionis, et altercationis, et rerum scriptorum et negociatorum, tunc tibi inest per Mercurium. In permixtione dominarum ex mulieribus et inquisitione eius quod est ex parte earum, tibi inest per Lunam.) Emptiones autem, et venditiones, ac contentiones, et res scripturae ac negociatores sunt Mercurio, et in commixtione reginarum ex mulieribus et inquisitione earum quae apud illas sunt, per Lunam. Cum ergo volueris aliquod opus incipere, apta ascendens, et dominum eius, ac Lunam et dominum illius rei, et cave ab impedimento Lunae, sicut dixit Dorotheus et ceteri sapientes in initio operum, et sunt decem modi: primus modus est ut sit combusta infra Solem per duodecim gradus et post ipsum similiter, sed levius est post ipsum, secundus ut sit in gradu descensionis suae, tertius ut sit in oppositionis Solis, quartus ut sit iuncta malis, aut in lumine quarti aspectus eorum vel oppositionis, quintus ut sit cum Capite vel Cauda, a gradu in duodecim gradus, qui est terminus eclipsis, sextus ut sit in ultimis gradus signorum, qui sunt termini malorum, septimus ut sit cadens ab angulis, aut in via combusta, quae est finis Librae et initium Scorpionis, et hoc est deterius quod sit ex impedimentis Lunae, et maxime si fuerit inceptio de coniugio vel aliquid de rebus mulierum, aut emptio, vel venditio, seu peregrinatio, octavus ut sit in duodecimo [!] (signo a domo sua, id est in Geminis,) cum malo, vel fuerit in oppositione domus suae, vel absens ab ea, nonus ut sit Luna cursu tardior, et hoc est quod vocant sapientes similitudinem cursus Saturni, quousque sit cursus eius in die minus duodecim gradibus, et si esset minus unum minutum, hoc est cum fuerit cursus eius in die minus medio cursu eius in una die, qui scribitur in canone, id est in libro cursuum [!] [...], decimus, quem dixerunt Messehallah et sapientes temporis nostri, hoc est cum fuerit Luna vacua cursu. Et apta Lunam pro posse tuo et non ponas eam crescentem in ascendente alicui, quia hoc timendum est propter quod accidit domino eius ex infirmitatibus in corpore, nisi sit dominus ascendentis vel fortuna [!] aspicientes [gradum] ascendentem, quia planeta qui non aspicit domum suam, similis est viro absenti a domo sua qui non potest aliquid repellere ab ea nec prohibere. Cum vero aspexerit planeta domum suam, similis est domino domus qui custodit eam; quicumque enim in domo est timet eum et qui foris est timet venire ad eam. Et si fuerit dominus ascendentis malus, fac eum aspicere ex trino vel sextili aspectu et cave, ne ponas dominum ascendentis aut Lunam, cum fuerint mali aspicientes Lunam, in angulo [!], et quod non ponas eos in angulis ascendentis. Nec cadere facias Partem Fortunae, in omnibus initiis vel interrogationibus, ab aspectu Lunae aut eius coniunctione, et non aspicias dominum Partis Fortunae, nec cures si fuerit Pars cadens ab ascendente, si eadem Pars aspexerit ascendens et Lunam. Et stude, ut ponas dominum ascendentis cum Parte, quia hoc utilius est et maioris lucri, et nunquam ponas Lunam in secundo, vel sexto, aut octavo, seu duodecimo ex Parte, quia hoc horribile est. Et constitue ascendens semper ac Lunam, in omnibus initiis, in signis directae ascensionis, quia significant levitatem et profectum, et non ponas eos in signis tortuosae ascensionis, quia significant involutionem, vel duritiam et tarditatem. Ascendens quoque et quartum ab eo significant quid accidit illi electioni. Aspice ergo fortunas et malos de locis, et fortem ac debilem, et loquere super initio eiusdem rei et fine illius de fortitudine et debilitate. Et dixit Dorotheus, "Cum videris Lunam impeditam et affuerit res, quae omnino debet fieri et non potest differri, non des Lunae in ascendente partem, et fac eam cadere ab ascendente, et pone in ascendente fortunam, et conforta ascendens et dominum eius."

Signum secundum ab ascendente et quicquid in eo est ex electionibus.

Cum volueris eligere horam in acceptione et accommodatione pecuniae, sit Luna in Leone, vel in Pisce, aut in Scorpione, aut Sagittario, vel in Aquario, sitque deficiens lumine et fortunae utraeque sint deficientes et aspicientes Lunam vel ascendens. Et sit Mercurius mundus a Marte, et Luna cum Iove vel Mercurio, et cave, ne sit Luna impedita ab aliquo malorum, nec sit Mercurius iunctus eis vel in quarto aspectu eorum, nec sint fortunae cadentes, quia si fuerit Luna cum Marte, cadet in labore, et sollicitudine, et negociatione, et asperitate, vel contentione, et si fuerit impedita a Saturno, cadet in prolongatione, et dilatione et exiet [!] post districtionem et fatigationem. Si autem volueris occultare ipsam accommodationem, ut nemo possit eam percipere, sit Luna dum hanc acceperis vel petieris sub radiis, iens ad coniunctionem fortunarum, post separa- tionem eius a Sole. Hoc enim (levius est) domino eius (et) magis occultum et non publicabitur. Nam si fuerit Luna in exitu eius a combustione, egrediens ad coniunctionem Martis, publicabitur hoc et cadet in ora hominum et in ora eorum quos non vis ut hoc sciant. Et cave, ne sit Luna in circulo signorum (absque latitudine, id est in Capite vel Cauda) vel in via combusta, quia hoc horribile est. Et dixit Dorotheus, "Non accipias accommodatum nec accommodes alicui aliquid, dum fuerit Luna in primo gradu Leonis, aut Geminorum, vel Sagittarii, vel fuerint haec signa ascendentia, quia hoc odibile est accommodationi proprie." (Scito hoc.) Et si volueris participare cum aliquo in substantia vel opere, melius est ad hoc, ut sit Luna munda a malis et iuncta fortunis, et sit in signis communibus ut multiplicetur aut sit Luna in Leone vel in Tauro. Et horrendum est illis, ut sit Luna in signis inferioribus et deterior ceteris est Libra, quia est in ea via combusta, similiter horrendus est Aquarius. Et sit Luna recepta ex trino vel sextili aspectu, ut sit bona eorum separatio, quia in quarto aspectu et oppositione erit inter eos locutio, id est rixa in separatione, aspectus quoque dilectionis significat bonitatem, seu honestatem separationis eorum, et fidelitatem ac benevolentiam eorum. Et cave a praesentia malorum in angulis, quia ascendens est incipientis participationem ex eis, vel eius qui fuerit minoris aetatis, septimum vero est participis alterius, et decimum significat quod erit inter eos et multitudinem vel paucitatem lucri, a quarto vero scitur exitus rei eorum. Et cave, ne dominus ascendentis non aspiciat ascendens, aut dominus domus Lunae non aspiciat Lunam, quia cum fuerit ita, deludet unusquisque eorum socium suum et deteriorabitur eorum res in separatione. Et si volueris mittere substantiam quaerens lucrum eius, apta Lunam, et Mercurium, et dominum domus substantiae, nec non et dominum gradus domus fiduciae. Et sit Luna iuncta Mercurio, facque cadere Martem ab utrisque prout potueris, apta quoque Mercurium et purga eum a vitiis. Si autem fuerit Mercurius retrogradus, apta Lunam et gradum domus fiduciae, et fac cadere Mercurium a lumine Martis, et non facias eum cadere ab aspectu Veneris et a domino undecimi. Et sit fiducia tua semper in directione substantiae et inquisitione lucri super Mercurium, et Lunam, et gradum domus fiduciae ac dominos eorum, et fac cadere Martem et lumen eius ab eis. Et si volueris eligere horam emptionis apta Partem Fortunae et sit in domibus Iovis, iuncta fortunis, quia hoc melius erit ementi quam vendenti. Et Luna, cum fuerit in signis directae ascensionis, augmentata lumine et numero, et iuncta fortunis, quicquid emerit in eadem hora, amittet in eo dominus eius. Melius est enim hoc vendenti quam ementi. Sitque Mars cadens a Luna et Mercurio, quia Mars in venditione et emptione (impedit et) ipse est qui significat laborem et contentionem. Similiter et Cauda, fac ergo eam cadere a Luna proprie et est infra Martem. Et si volueris vendere, pone Lunam in exaltatione sua vel triplicitate, separatam a fortunis et aspicientem malos, sed non sit eis iuncta. Et si volueris operari alchimiam vel opus quod volueris iterare, fiat hoc et Luna in signis communibus, munda a malis, et sit ascendens similiter, apta ergo eum. Et si fuerit opus tuum in auro, conforta Solem et apta eum in inceptione eius. Et quicquid est in signo tertio de electionibus, ceciderit pars eius in nono et pars alia in domo amicorum, tunc dicemus id, si Deus voluerit.

Signum quartum et quicquid est in eo ex moribus electionum.

Cum volueris eligere ut aedifices domum, apta Lunam et dominum eius, ascendens et dominum eius, Partem quoque Fortunae ac Mercurium. Et fac Martem cadere ab his significatoribus quos nominavi tibi, et nunquam des ei partem in aliquo de aedi- ficiis domorum. Et si non potest fieri, quin habeat partem, pone Venerem fortem in loco suo, et pone ei fortitudinem super Martem, et iunge eam sibi ex trino vel sextili aspectu, quia Mars non impedit rem Veneris prae multitudine amicitatis eius erga eum. Et fac cadere Saturnum a Venere pro posse tuo (propter inimicitatem eius) cum Marte et cum Luna, cum se aspexerint ex dilectione. Et sit Luna augmentata lumine ac numero, et iuncta Iovi ex quarto aspectu, quia melius est quam de oppositione, et hoc significat pulchritudinem aedificii et eius perfectionem. Et cave, ne sit Luna cum Saturno vel Cauda, aut sit Saturnus in ascendente vel quarto quia hoc significat tarditatem et duritiam (in opere) et quod non erigetur, vel quia si erectum fuerit, vel fuerit inhabi- tatum, non cessabunt habitatores eius pati in eo timores, et infir- mitates, ac latrones, et tribulationes a morte, et scindetur aedificium et forsitan cadet. Et si aspexerit eum Mars et fuerit ascendens (in circulo augis vel brevi) timetur super eum combustio et casus, et sit Luna tunc augmentata lumine, quia erit tunc utile domino suo. Sitque dominus domus Lunae aspiciens eam, similiter dominus ascendentis sit aspi- ciens ascendens, et ipsi mundi a malis, quia si non aspexerint, non morabitur in eo dominus eius. Et cum volueris destruere domum, sit hoc cum Luna descendit in circulo suo, fueritque separata a malis et iuncta fortunis, sitque ipsa fortuna orientalis aut ascendens directa, vel iungatur Luna domino domus suae ex dilectione, id est ex trino vel sextili aspectu, ut sit levior eius destructio; in quarto vero aspectu et oppositione gravior erit eius destructio. Et si volueris emere terras et intrare cum aliquo in eis, aut volueris habere terram, ut accipias redditus eius [!] ab aliquo, sit Saturnus in exaltatione sua, vel in triplicitate aut termino suo, sitque Jupiter in aspectu eius ex angulo vel trino aspectu, et fac cadere Martem ab eis. Et sit Luna in initio mensis, aspiciens Saturnum ex dilectione, augmentata numero, in aspectu quoque Iovis. Hoc significat populationem illius terrae et eius redditus. Quod si aspectum Iovis cum Saturno habere nequiveris, pone Venerem in loco Iovis et fortunabis signa aquatica, quia cum fortunabis ea cum fortunis erunt meliora signis aereis. Et sit Luna in exaltatione sua vel in medio caeli, et dominus ascendentis aspiciens eam, Luna quoque et ascendens sint mundi a malis et a vitiis. Cumque volueris deducere flumen vel fodere puteum, sit hoc cum Saturnus fuerit orientalis et Luna sub terra in tertio vel quinto, libera a malis, fortunata atque recepta, et cave ne sit aliquis malorum in medio caeli, quia timendum est tunc, ne puteus ruat aut defluat flumen. Sitque Saturnus in undecimo ab ascendente et Luna iungatur fortunae in signo fixo, (et ipsa fortuna) ascendens in circulo et melior fortunis est Iupiter, quod si nequiveris facere, pone (fortunas id est) Iovem in medio caeli, quia hoc durabilius est flumini et stabilius puteo. Et si volueris plantare palmas, vel ficulneas et ceteras arbores, sit hoc cum Luna fuerit in signo fixo et dominus domus eius aspexerit eam ex signis aquaticis. Sitque ascendens signum fixum aut commune, et dominus ascen- dentis ascendens ac orientalis, quia si fuerit ascendens et non fuerit orientalis, nascentur citius, sed fructificandi facient dilationem, et si fuerit orientalis, descendens, nascentur tarde et fructificabunt cito, (et si fuerit orientalis, ascendens, nascentur cito et fructificabunt cito,) et si fuerit occidentalis, descendens, tardabit uterque ortus scilicet eorum et fructus. Et sit dominus ascendentis et dominus domus Lunae aspicientes eos, ipsique sint liberi a malis et a combustione. Et cum volueris seminare semen [vel] quod ultra volueris exercere, sit ascendens signum commune et dominus eius in signo mobili, aspiciens dominum domus suae, et ipse liber a malis, quia si aspexerit eum malus, inveniet ipsum semen impedimentum. Sit ergo Luna augmentata lumine et numero, quia si fuerit Luna sub radiis et deficiens numero, ipsum semen abibit et non nascetur ex eo aliquid. Et si fuerit, sicut praedixi tibi, Luna augmentata numero, nascetur ipsum semen rarum, secundum quantitatem illius quod seminatur.

Signum quintum et quicquid in eo est ex electionibus.

Cum volueris eligere horam coniungendi, scilicet ut generes filium masculum, sit ascendens, et dominus eius, ac Luna et dominus domus filiorum in signis masculinis aut in parte circuli masculina hora coniunctionis, et non ponas in ascendente eadem hora nec in signo filiorum nisi planetam masculinum. Et si vis ut sit femina, sint isti significatores in signis femininis et in parte circuli feminina. Quod si hoc non poteris facere et diversi fuerint isti significatores, id est si quidam eorum fuerint in signis masculinis, quidam vero in femininis, participetur dominus horae et planeta recipiens dispositionem Lunae eis, qui fuerint plus testimonio in signis masculinis et in parte masculina et erit filius secundum hoc. Et si fuerit mortuus filius in utero et volueris educere eum, sit hoc cum Luna fuerit deficiens lumine, descendens a circulo signorum ad signum septimum ab ascendente, id est a medio caeli ad septimum, aspiciens fortunas a trino vel a quarto aspectu cum aspectu Martis. Et eo melius ac dignius, si fuerit signum Lunae et ascendens ex signis femininis quae sunt directae ascensionis et non sit in signis tortuosis. Et si volueris filium tradere disciplinae vel eum mittere ad locum in quo doceatur aliquod magisterium vel numerum, sit electio tua ad hoc, et Luna aspiciens Mercurium et ipsi sint liberi a malis. Et sit ascendens Gemini vel Virgo, sitque Mercurius orientalis, ascendens, et non sit descendens, nec retrogradus, (nec in statione sua prima) nec in descensione sua, nec sit impeditus et sit dominus domus Mercurii similiter. Et non ponas Lunam descendentem ac lumine deficientem, quia tardare facit disciplinam, et sint domini domorum eorum aspicientes eos.

Signum sextum et quicquid in eo est ex electionibus.

Cum fuerit in aliquo loco vel domo aliquis diabolus, vel infestatio malorum habitantium, vel secuta fuerit eum (scilicet habitatorem) [!] aliqua res terribilis, quae fuerit timenda, vel aliquod fantasma apparens et volueris removere eum a loco suo vel ab aliquo homine per carmen, aut aliqua inqui- sitione vel ingenio, cave, ne sit Luna vel ascendens in aliquo horum signorum, in Leone scilicet et Cancro, in Scorpione et Aquario, sed sit Luna in ceteris extra hoc, separata a malis et iuncta fortunis. Et cum volueris eligere ad capiendam medicinam ad eos qui mali fuerint, id est qui spasmantur, vel ad capi- endam medicinam ad dolorem ventris, vel emplastrum facere [!], sit hoc cum Luna [vel] ascendens fuerit in Libra, vel in Scorpione (et Luna in eo), iuncta fortunis, et non ponas aliquem malorum in angulis Lunae. Quod si non poterit fieri quin hoc fiat, sit hoc ex trino vel sextili aspectu, absque oppositione et absque proiectione duorum radiorum vel ingressu sub radiis, quia si ita fuerit, faciet dolorem et impedimentum. Si autem volueris curam capitis et quicquid descendit ab eo, veluti gargarismus aut vomitus, sit ascendens (Aries) et Luna in Ariete vel Tauro, [et Luna] deficiens lumine et iuncta fortunis. Et cave ab aspectu Solis ex quarto aspectu vel oppositione in Ariete proprie propter calorem Solis. Ad medicamina autem quae proiciuntur in nares, ut suffumigationes et sternutamenta ac cetera, sit hoc cum fuerit ascendens Cancer, vel Leo, vel Virgo et Luna iuncta fortunis et non sit iuncta malis, nec planetae retrogrado, neque impedito. Et si volueris curam corporis, manuum scilicet ac pedum, sit ascendens Capricornus, vel Aquarius, aut Pisces, et Luna sit in eis, iuncta fortunis. Et si volueris curam alicuius morbi antiqui, sit electio tua ad hoc agendum, cum Luna fuerit in (Tauro et) eius triplicitate [!], et melior illa est Taurus, quia est ex morbis terrae. Sitque Luna munda a malis et sint fortunae in angulis Lunae ex Tauro, eritque fortius ac melius. [Et cave] ut recedat antiqua infirmitas et non revertatur ad eum qui eam patitur, et cave, ne iungatur Luna Saturno proprie, quia significat prolongationem infirmitatis. Et dixit Messehallah, "Aspice in omni curatione quam volueris ad locum (infirmitatis) in corpore, quae si fuerit in parte capitis, aut gutturis, aut pectoris, cura eam cum fuerit Luna in Ariete, et Tauro, ac Geminis, quae est pars superior, et si fuerit in parte ventris et inferius in (pectine et) umbilico, cura eam cum Luna fuerit in Cancro, et Leone et Virgine [...] et haec est pars media. Si vero fuerit morbus in parte inferiori, in ano scilicet et in parte inferiori corporis, cura eum cum Luna fuerit in Libra et Scorpione ac Sagittario. Et sit Luna iuncta fortunis, aucta lumine et numero, ( et si fuerit morbus a genu infra usque ad pedes, cura eum cum fuerit Luna in Capricorno, et Aquario ac Pisce.)" Et dictum est etiam, quod omnis dolor qui fuerit a capite usque ad umbilicum debet curari cum Luna fuerit inter angulum terrae, ascendens usque ad medium caeli per hanc partem circuli ascendentem et hic est locus qui vocatur pars superior circuli, et si fuerit ab umbilico in inferiorem partem pedum, curabis eum cum Luna fuerit inter decimum, descendens ad angulum terrae, quae est pars inferior circuli. Et sit in ascendente fortuna, quia si sic fuerit, significat quod sanetur et proficiat. Et si in oculo fuerit aliqua vesica vel aliqua res et necesse fuerit ut contingatur ferro vel scarificetur, fueritque super eum coopertorium, aut fuerit in aliquo loco corporis cui necesse sit, ut contingatur ferro, ut abscisio venae, sit hoc cum Luna fuerit aucta lumine et numero, nisi in minutione tamen (cum ventosis), quia tunc pones Lunam deficientem lumine et numero, iunctam fortunis et sit Iupiter super terram in ascendente, vel undecimo, vel decimo (vel nono) et cave a coniunctione (eius) cum Marte, cum fuerit Luna aucta lumine et numero. Si autem nequiveris ponere Iovem in his locis, sit aspiciens ascendens. Et cave ne Luna sit et ascendens in signis terreis et Geminis [!], commixta Marti, (id est habens cum Marte aliquam communionem) et cave tunc in ortu Lunae, hoc est quando transit Luna Solem per duodecim gradus, similiter in praeventione, aut sit Mars in ascendente quando hoc abscidit, et similiter Saturnus, nisi sit Saturnus in initio mensis et sit Luna aucta lumine et numero. Quia si absciderit aliquid a corpore aut perforaverit, putrefiet et minutio vel perforatio non proficiet patienti infirmitatem. Et non abscidas venam nec eradices dentem, cum Luna fuerit in signo mobili vel communi, induta malis, id est commixta, nisi sit Luna munda a malis aut fuerit fortuna fortis cum Luna, vel iungatur ei ex trino vel sextili aspectu. Dolores autem qui fuerint in oculis, ut flegmon et albedo et ceterae infirmitates, quae curantur ferro, sit hoc in augmentatione luminis Lunae et eius numeri, secundum quod dixi tibi ante hoc capitulum. Et sit (Luna) munda a Marte in curatione oculi proprie, quod si aspexerit, abstineatur in hoc [!]. Si vero Saturnus aspexerit tunc, si Luna fuerit aucta numero et lumine in initio mensis, minus impedit. Cum autem remota fuerit a praeventione, fac Lunam aspicere Martem ex trino aspectu, et ipsa sit iuncta fortunae, et non des Marti fortitudinem in aliqua curatione oculorum, quia sapientes conveniunt supra impedimentum Martis in capite, et dixerunt etiam omne quod curatur cum ferro, aspice potestatem eius ex corpore, et non ponas Lunam nec ascendens in hoc signo, nec contingas aliquid cum ferro, cum Luna fuerit in signo communi nec in signo mobili. Cum volueris radere capillos cum annora (hoc est cum quodam genere medicaminis auferre capillos) aut cetera, sit hoc cum Luna fuerit in signis femininis, deficiens lumine. Quod si nequiveris hoc facere, non ponas eam in signis pilosis, ut est Aries, et Leo et cetera ex signis bestialibus, sitque dominus ascendentis descendens a medio caeli ad angulum terrae. Et cum volueris emptionem servorum facere, cave ne iungatur Luna malis, aut sit sub terra malus, nec sit Luna in signo mobili, quia significat quod erit servus ille infidelis domino, et non erit in uno esse stabilis, aut erit fugiens, si fuerit Luna separata a malis, praeter Libram, quae est ad hoc utilior. In signis autem fixis erit patiens ac sustinens [!] et honorans dominum suum, praeter Scorpionem, quia erit tunc susurro, et accusator ac verbo debilis, et in Leone erit cupidus et propter ingluviem ventris accidet ei dolor ventris et erit latro. Et sit Luna in signis communibus, quia hoc erit laudabile, praeter Piscem quia cogitabit in animo suo proditionem et infidelitatem erga dominos suos et esse absens ab eis. Et time coniunctionem Lunae cum malis, quia cum iuncta fuerit malis, significat quod servus vendatur. Et cum volueris servum facere liberum [!], cave praesentiam Lunae in signo duodecimo [!], sicut est in libro quinto Dorothei. Et cum volueris ingenuum (liberum) reddere servum, sit hoc cum Luna fuerit munda a vitiis, aucta lumine et numero et iuncta fortunis. Sitque ipsa fortuna orientalis, aucta, quia si fuerit occidentalis, aucta, inveniet bonum sed accident ei dolores et non cessabit deficere donec moriatur. In augmento vero luminis Lunae erit sanus in corpore et in augmento numeri significabit inventionem substantiae. Et sint Sol et signum medii caeli mundi a malis, quia si fuerint impediti, inveniet dominus impedimentum secundum naturam signi. Et sit hora liberationis cum luminaria se aspexerint ex trino vel sextili aspectu, ut sint concordia ac dilectio inter servum et dominum et inveniet ab eo bonum, nam quartus aspectus medius est et aspectus oppositionis significat quod servus contendat cum domino suo. Et qui fecerit servum ingenuum cum Luna fuerit impedita, melior erit ei servitus quam ipsa libertas; pone ergo Lunam in signis fixis.

Signum septimum et quicquid in eo est ex electionibus.

Cum volueris electionem coniugii, cave ne sit Luna in duodecimo et cave ne sit in signis quae non sunt utilia ad hoc, quae sunt Aries, Cancer, Capricornus, Aquarius. Et cave a signis in quibus fuerint mali et Cauda (cum volueris firmare mulierem) [et] sit hoc cum Luna fuerit iuncta fortunis et fuerit in signo mobili, cunctisque illis melius est signum Librae. Et cave in firmatione, ne sit Luna in signo fixo, in coniunctione autem, id est quando ingreditur quis ad uxorem, ut utatur ea, cave ne sit in signo mobili neque in communi, sed sit hoc cum Luna fuerit in signo fixo, et melior ceteris sunt Leo et Taurus, Scorpio vero et Aquarius mulieri sunt inutilia. Et medietas Tauri melior est initio eius ac fine, medietas vero Geminorum prima deterior est et finis est bonus, Aries quoque et Cancer sunt mali, Leo vero laudabilis, nisi quod unusquisque eorum non cessabit destruere substantiam socii sui. Et Virgo utilis est mulieri quae iam fuerat nupta, virgini autem non, Libra quoque mala est, initium vero Scorpionis utile et finis eius malus, quia significat quod societas illorum non prolongabitur. Sagittarius quoque malus est et similiter initium Capricorni, medietas eius ac finis bonus est, Aquarius quoque malus est et Pisces similiter. Nullaque utilitas est in coniugio cum Venus aspexerit malos, sitque hoc cum Venus fuerit in domibus fortunarum et terminis earum, iuncta domino domus suae. Si autem fuerit malus (dominus domus suae), sit separata ab eo et sit Iupiter elevatus super eam aut iungatur ei Venus ex trino aspectu, sintque Luna et Iupiter ac Venus aspicientes se invicem a trino vel sextili aspectu, hisque melior est aspectus trinus et maxime triplicitas aquae. Et sit Luna aucta lumine et numero, libera a malis et sit Venus semper in domo aut exaltatione sua, aut triplicitate, vel gaudio suo, aut in coniunctione Iovis vel Mercurii, et Mercurius fortunatus ac fortis. Similiter apta Solem, sicut praedixi tibi, quia ex Sole et ascendente scitur esse viri, et ex Venere et Luna et signo septimo scitur esse mulieris. Cave ergo ab aspectu malorum ad eos ex coniunctione, vel quarto aspectu aut oppositione. Et si fuerit mulier nupta, sit Luna in signis communibus et opus secundum quod praedixi tibi. Et sit ascendens hora coniugii ex signis quae praedixi tibi ut sit Luna in eis. Et non ponas aliquem malorum in ascendente nec aspiciat eum ex inimicitate, sitque aliqua fortunarum in medio caeli. Et dixit Dorotheus, "Quia tunc tribuetur eis filius in eodem anno quo iunguntur, quod si fuerit in gradu medio caeli fortuna [!], praegnabitur mulier in prima coniunctione." Scientia horarum exitus ad bellum. Oportet ut ponas ascendens aliquam domorum planetarum altiorum, quarum fortior est domus Martis, cum fuerit in sextili vel trino aspectu ascendentis. Et sit dominus ascendentis in ascendente vel in undecimo, vel decimo, et cave a quarto, vel a septimo et octavo et non sit combustus vel cadens, aut iungatur planetae cadenti, qui non recipit eum. Et fac dominum septimi iungi domino ascendentis aut pone eum in ascendente vel in secundo, cum Marte [!], si volueris ut iungantur (fac eos coniungi) in angulis, ut sibi obvient et cadet inter eos bellum. Et iunge ad Martem fortunam, habentem in ascendente partem, ut prohibeat eum ab ascendente. Et non eas ad bellum, nisi sit Mars in aspectu amicitiae domini ascendentis [!], ut sit ipse dominus ascendentis et sit fortis et in bono loco, et non impeditus, neque combustus, et sit in signis directae ascensionis. Et cave ne ponas eum nisi in haiz ascendentis, ut sit eius auxilium erga eum quem mittis ad bellum et illi qui mittit milites (ad bellum), quia liberabuntur iussu Dei. Apta etiam secundum et dominum eius ad milites incipientis, et octavum ac dominum eius ad milites inimici, et non ponas dominum octavi in septimo, nec in octavo, sed pone dominum octavi in secundo. Et pone Partem Fortunae et dominum eius in ascendente vel in secundo, et non ponas eos in octavo nec septimo; et non ponas ascendens et dominum [domus] eius impeditos, cum inceperis rem, similiter dignitatem duodecimae [!] Lunae. Quia necesse est in re belli aptare stellas belli, id est Martem, et Mercurium, Lunam quoque ac dominum domus eius, aspice igitur in aptatione horum et non negligas in hoc (nec tradas eos oblivioni). Et scito quia cum utrosque exercitus sapienter produxeris ad bellum, sicut praedixi, adipiscetur victoriam ipse, qui ex eis natus fuerit nocte et in cuius nativitate habuerit Mars partem, quia Mars est dominus bellorum et il1i commissa sunt bella. Et fortassis pacificabuntur vel dimittent bellum, id est cum bonus fuerit locus exitus eorum ad bellum. Et cum volueris emere arma et instrumenta belli sit hoc cum Mars fuerit in domo sua, aut in exaltatione, vel triplicitate sua in fine mensis, quia sapientes cavent ne sit Luna in initio mensis cum Marte, et in fine eius est utilius. Et cum volueris obruere castra, sit inceptio huius operis cum Luna fuerit impedita, absque fortitudine. Et cum volueris aliquod instrumentum bel1i destruere, incipe hoc cum fuerit Mercurius impeditus et absque fortitudine. Et cum volueris destruere oppositionem belli, sit hoc cum Mars fuerit impeditus et absque fortitudine. Et cum volueris destruere terram, incipe cum fuerit Luna infortunata, non habens fortitudinem. Et cum volueris destruere locum idolorum et locum in quo oratur diabolo et non Deo, incipe hoc cum fuerit Venus impedita et absque fortitudine.

Signum octavum et quicquid in eo est ex electionibus.

Cum aliquis homo voluerit facere testamentum, non incipiat hoc cum ascendens ac signum Lunae fuerint mobilia, quia hoc significat quod ipsa commendatio testamenti mutabitur. Commendetur autem cum Luna fuerit deficiens numero et aucta lumine et non iungatur Luna planetae sub radiis, quia hoc significat celeritatem mortis. Et eo callidius cum fuerit Luna cum Marte, vel in eius quarto, vel in eius opposito, aut fuerit Mars in ascendente, aut aspiciens eum ex inimicitate, quia hoc significat quod ipsa commendatio non mutabitur et morietur infirmus ex eadem infirmitate et non perficietur ipsa commendatio post mortem eius [...]. Et cum fuerit Saturnus similiter a Luna et ascendente, vita ipsius viri prolongabitur et perficietur ipsa commendatio post eum et non mutabitur in vita eius, neque post mortem illius. Et si fuerint Venus et Iupiter simili modo a Luna et ascendente, dominus illius commendationis finiet [!] vitam suam et sequetur [!] commendatio.

Signum nonum et quicquid in eo est ex electionibus.

Non dimittas dirigere peregrinationes hominum super nativitates eorum, super ascensiones scilicet omnis nativitatis et eius angulorum. Et sit Luna in ascendente eius vel in medio caeli illius, et apta dominum rei quam petis, et apta dominum anni, et dominum ascendentis radicis atque anni. Quod si ignoraveris quod dixi, aspice ei qui venerit tibi a domino rei quae petitur, ubi sit locus eius a domino ascen- dentis. Post hoc, indica ei horam eius nativitati vel interrogationi consimilem, hoc est non ponas ascendens inter- rogationis et dominum eius cadentem ab ascendente eius recessionis. Sitque ascendens recessionis decimum ascendentis interrogationis vel nativitatis, si petieris regnum, et si petieris negotiationem, undecimum ab ascendente interroga- tionis, similiter in omni re quam quaesieris, pone ipsum signum ei ascendens. Sitque Luna in angulis et in succedentibus angulorum, si fuerit libera a malis, et sit aspiciens ascendens. Et si vero impedita fuerit, fac eam cadere ab ascendente. Et sit dominus ascendentis et dominus domus Lunae in angulis, et Luna aspiciat dominum domus suae. Et cave ne ponas Lunam cum malis, aut in aspectu eorum ex quarto aspectu vel oppositione, quia aspectus malorum ad ascendens levior est aspectu eorum ad Lunam. Et hoc proprie in peregrinatione quia coniunctio eius cum Marte in initio mensis significat latrones, aut regem, vel ignem. Et cave ne ponas Lunam in quarto semper, sed pone eam in quinto, quae, si fuerit in hoc loco fortunata, erit minus ad absentiam illius pereg- rinationis et magis proficuum rebus eius, et plus ad profectum illius, minus quoque ad solutionem corporis illius, et levius ad eius iter, et plus ad salvationem eius, qui cum ipso fuerit. Horribilis est etiam praesentia Lunae in ascendente in introitu atque exitu, quia timetur peregrinanti infirmitas in suo itinere vel gravis labor in corpore. Si autem fuerit iter ad regem, pone Lunam iunctam Soli vel domino medii caeli ex trino vel sextili aspectu, et sit Sol in bono loco in ascendente, vel in undecimo vel in decimo, quia si fuerit cadens, non inveniet ex eo bonum, et si fuerit in nono, aut in tertio et quinto, significat laborem et modicum profectum. Similiter angulus occidentalis et quartus significant paucitatem boni cum labore et tarditate. Et si petieris nobiles, et iudices, vel sectarum auctores, (id est episcopos et ceteros tales) sit coniunctio Lunae cum Iove ex angulis, aut in loco bono ab ascendente. Si vero fuerit exitus tuus ad auctores proeliorum, sit coniunctio Lunae cum Marte ex trino vel sextili aspectu, et cave ab eius coniunctione et ab angulis, et sit Mars in sequentibus angulorum. Et si fuerit exitus tuus ad eos, qui sunt perfectae aetatis vel ad ignobiles, sit eius coniunctio cum Saturno ex amicitia, et sit Saturnus in succedentibus angulorum. Si vero fuerit exitus tuus ad mulieres, iunge Lunam Veneri et sit Venus in signo masculino, et si potueris ut sit in locis quae praedixi tibi ad participationem, fac. Et si fuerit exitus tuus ad scriptores, et mercatores ac sapientes, sit coniunctio cum Mercurio et cave ne sit Mercurius tunc sub radiis, aut retrogradus, aut aspiciant eum mali, quia quotiens fuerit stella cui iungitur Luna, vel planeta, qui fuerit in opposito ascendentis, aut dominus septimi tardus, aut retrogradus, vel impeditus, significat involutionem et duritiam in ipsis modis. Si autem fuerit peregrinatio in aqua, sit Luna in signis aquae, et cave in peregrinatione aquae a coniunctione Lunae cum Saturno ex angulo. Et cave a [...] Saturno, ne sit in signo aquae et ne sit fixus in ascendente exitus, aut cum Luna. Quod si non poterit fieri quin ita sit, sit Luna iuncta ei cum forti fortuna (vel in aspectu eius) ex trino vel sextili aspectu, aut ex angulo, ut auferat maligni- tatem Saturni ex naufragio vel impedimento vel tempestate gravi. In equitatione enim maris non ponas luminaria impedita, quia si fuerint apta et salva a malis, et si non fuerint fortunata a fortunis, significant salutem et pros- peritatem. Si vero impedita fuerint, erit ipse vir mortuus vel perditus in peregrinatione sua. Et non equites mare cum Luna fuerit in interlunio, quia hoc horribile est. Si autem equitaverit mare propter negotiationem, apta Mercurium et Lunam proprie, et sit aspiciens Iovem ex Cancro vel Pisce, nam Scorpio horribilis est in equitatione maris propter locum Martis et eius inimicitiam erga equitantes mare. Et time terminos malorum in equitatione maris, quia in equitatione litoris [...] minus impedimenti est quam in equitatione maris. Et si fuerit peregrinatio in terra, sit Luna non in signis aquaticis, munda a malis, et cave ab aspectu Martis in peregrinatione litoris, sicut admonui te cavere a Saturno in equitatione maris. Et cave ne sit peregrinatio qualicum- que modo, cum Luna fuerit in Scorpione. Et scito quod saniora sunt signa terrea ei qui voluerit equitare in terra, et aquatica ei qui voluerit equitare in aqua (maris). Et Saturnus maioris impedimenti est in mari et eo fortius, si non aspexerit Iovem. Et cave a peregrinatione in terra et mari, cum Luna fuerit in ultima imagine signi Librae. (Scito hoc totum.) Et scito quod oportet te (cum volueris) aptare regionem ad quam ingrederis, ut aptes secundum ab ascendente, dum ingrederis qualemcumque regionem, quam volueris et cum hoc feceris, iam aptasti regionem. Et debes aptare ascendens, et dominum eius, et Lunam ac dominum secundi, si potueris, pone ergo eam fortunam et sit supra terram in nono, aut in decimo vel in undecimo, et nunquam ponas eum sub terra, scilicet in quarto, aut quinto vel sexto, quia hoc horribile est in peregrinatione et in opere quod petis in ipsa regione, et sit supra terram, sive fortuna fuerit, sive malus. Et stude ut sit dominus domus Lunae cum domino secundi supra terram, et non ponas eum sub terra, quia hoc non est laudabile, nisi sit illud quod petis in ipsa regione res quam vis occultare, ut non appareat donec perfi- ciatur. Et sit Luna tunc a Sole inter duodecim et quindecim gradus, et eo melius si fuerit Luna cum egreditur de sub radiis usque ad tres gradus fortunata. Hoc enim melius et laudabilius est omni quo indiges in occultatione. Et si petieris regnum in ipsa regione, apta medium caeli et dominum eius cum secundo ab ascendente et Lunam. Post hoc aspice in peregrinationibus, secundum quod dixit Dorotheus in peregrinatione aquae, locum Lunae in signis. Quae, si fuerit in prima facie Arietis et aspex- erint planetae, vel non aspexerint, significat facilitatem eius rei, et si fuerit in Tauro, minus [!] erit ei impedi- mentum Martis, si autem aspexerit Saturnus, impediet eum et naufragium ei faciet, et in secunda facie Geminorum significat tarditatem, post hoc salutem, in Cancro autem salutem ex omni impedimento, in Leone vero, dic impedimentum et eo fortius si aspexerit malus, et in Virgine, dic prosperitatem, et tarditatem, atque reversionem, et in Libra, cum transierit decim gradus, non peregrinaberis in terra nec in mari, et in Scorpione, dic tristitiam, et in Sagittario dic antequam perficiatur iter revertatur, et in initio Capricorni aliquantulum boni, et in Aquario, dic tarditatem et salutem, et in Pisce dic impedimentum et districtionem. Et si aspexerit malus, augebit detrimentum, si vero fortuna aspexerit, meliorabitur impedimentum et confortabitur bonum. (Scito hoc.)

Signum decimum et quicquid in eo est ex electionibus.

Cum volueris proficisci cum rege vel principe ad regionem cui iam praeerit, sit hoc cum Iupiter fuerit in ascendente vel in septimo (vel nono), quia hoc significat quod ille qui vadit inveniet in itinere illo bonum, et gaudium, et videbit quod sibi placebit. Et cave, ne ponas Iovem in quarto, quia hoc horribile est, et testificetur illi Luna ex aliquo angulorum et Venus. Et cave, ne sint Saturnus et Mars in ascendente vel in aliquo angulorum (aut Venus). Et non ponas Lunam sub radiis et cave, ne sit cum Cauda vel cum malis, quia in hoc nihil boni est: si enim peregrinatus fuerit, non redibit, et si infirmatus fuerit, morietur, et si abierit ad bellum, interficietur aut superabitur. Et cum volueris sublimari et moveri ad regnum, sit hoc cum ascensione Leonis, et sit Sol in Tauro in medio caeli et Luna in ascendente, iuncta fortunis aut domino medii caeli. Et cum volueris introducere regem in sedem imperii sui, sit ascendens signum fixum, et quartum similiter, et dominus medii caeli liber a malis, et dominus ascen- dentis in bono loco, receptus, et dominus decimi non aspiciat undecimum ex inimicitia. Et sit Luna aspiciens dominum domus suae ex amicitate, dominus quoque quarti signi aspiciat fortunas. Si autem nequiveris supra quod praedixi [tibi], sit Luna recepta et dominus quarti in 1oco forti, aspiciens fortunas. Quod si nequiveris, fac eum cadere ab ascendente et aspectu eius, et pone fortunas aspicientes signum quartum et medium caeli. Et cum volueris eligere horam, ut sis praepositus super redditus, sit Luna iuncta Saturno in initio mensis ex amicitate, et sit in domo Saturni, et fortunae aspicientes eam, quia hoc significat stabilitatem (et quod opus sit stabile) sitque medium caeli signum fixum, ut sit opus unum. Et cum volueris firmare vexilla, sit Luna in domibus Martis, fortunata, et sit aspiciens Martem ex dilectione cum fortunis in fine mensis, iuncta eis. Et eo dignior erit ipsa confirmatio vexillorum illorum quae sunt infra regem, cum fuerit Luna munda, et non fuerit in domibus malorum, neque in Cancro, nisi sit vexillum illud domini belli, et sit hoc in domibus Martis et melior ac utilior illis est Scorpio propter fortitudinem Martis et eius stabilitatem in eo. Et si volueris inimicari regi, fuerisque tu ipse qui inimicatur, sit hoc cum fuerit Luna aucta lumine, sintque Luna et ascendens mundi a malis et dominus ascendentis in loco optimo ab ascendente in aliqua dignitatum suarum, directus et salvus a malis, sive fortuna fuerit sive malus. Et sit dominus septimi in loco malo ab ascendente, non aspiciens fortunam neque luminaria. Si vero ipse tibi iratus fuerit, non appareas ei, nisi cum fuerit Luna deficiens lumine, et sit dominus septimi fortunatus in bono loco ab ascendente, ut sit hoc fortius ad res tuas.

Signum undecimum et quicquid in eo est ex electionibus.

Cum volueris amicitias facere cum aliquo, sit Luna munda ab angulis malorum et sit dominus undecimi aspiciens ascendens ex amicitia. ( Et pone Lunam iunctam substantiae planetae quem petieris, ut Venus ad mulieres, et Mercurius ad scriptores et universos circulos, secundum quod veniet ad hoc.) Et cum volueris petere ab aliquo viro aliquam rem, sit dominus ascendentis aspiciens ascendens ex amicitate, sitque ascendens signum fixum aut commune et sit dominus ascendentis [!] in eo vel in eius triplicitate aut quarto aspectu, et cave ab oppositione, aut ne sit iuncta malis aut non aspiciat dominum domus suae. Si autem non aspexerit Luna dominum domus suae, non perficietur ipsa res. Pete ergo res semper cum fuerit Luna aucta lumine et numero, et dominus ascendentis directus, et Luna iuncta fortunis, si autem fuerit fortuna directa et Luna iuncta fortunis augmen- tatis, augebitur. Et cave ne sit Mercurius in malo esse, quia si fuerit impeditus et ipse fuerit receptus, significat importunitatem, et duritiam et reversionem secundam [!] in petitione. Et pone Lunam iunctam planetae ad quem pertinet res tua, ut Sol pro rege et Mars pro ducibus et bellatoribus, similiter de reliquis dominis circulorum.

Signum duodecimum et quicquid in eo est ex electionibus.

Cum volueris emere bestiam, sit hoc cum Luna iuncta fuerit fortunis et ipsae fuerint directae et orientales, ascendentes, et cave coniunctionem malorum, quia tunc timetur de bestia. Et si fuerit domita et iam equitata, eme illam cum fuerit ascendens signum commune et Luna in signo fixo, praeter Aquarium et Scorpionem. Et sit ille cui iungitur directus, ascendens, ut addat bestia in precio et corpore, quia si fuerit retrogradus, ascendens, erit in corpore bestiae diminutio, sed augebitur precium, et si fuerit directus, descendens, erit aucta corpore et non conveniet ei precium. Si vero indomita fuerit bestia, id est non equitata, sit ascendens signum commune et Luna in signo mobili, iuncta fortunae, post hoc fac sicut praedixi tibi in primo capitulo. Et si volueris exire ad venationem, egredere sub signo communi, et sit dominus septimi deficiens ac descendens et sit in succedentibus angulorum, quia si fuerit cadens, significat quod evadet venatio postquam adeptus fuerit eam. Et sit Luna in universo exitu ad venationem separata a Marte, fortunata in loco optimo ab ascendente. Et non exeas ad venationem cum Luna fuerit in fine signorum, nec vacua cursu, neque in signo mobili. Et cave ne non aspiciat eam dominus domus suae, quia si aspexerit eam significabit ei facilitatem in eadem re. Et pone Mercurium mundum a malis in venatione aquae, si autem volueris venationem montis, sit Luna in Ariete et eius triplicitate, si vero venatio avium fuerit, sit Luna in Geminis et eius triplicitate, iuncta Mercurio vel separata ab eodem Mercurio, et ipse sit descendens, quia hoc melius est. Et si volueris venationem maris, sit hoc cum fuerit ascendens signum commune et dominus eius in signo aquatico, et cave, ne sit ascendens signum igneum. Sitque Luna aspiciens dominum domus suae. Et scito quod impedi- mentum Lunae cum Marte in venatione maris deterius erit et paucioris profectus, cave igitur ab impedimento Martis in venatione maris et cave ab impedimento Saturni in venatione terrae. Venerem quoque ac Lunam cum aptaveris et Mars non impedierit eas in venatione maris, duplicabitur venatio (domino suo) et multiplicabitur, et lucrabitur dominus eius lucrum maximum et prosperabitur venatio domino suo, sit ergo Luna iuncta Veneri et Mercurius sit cum ea, et si autem impeditus fuerit Mercurius a Saturno, non impediet hoc. Et cave, ne sit Mars in signo aquatico et iungatur ei Luna aut iungatur Venus Marti. Si autem volueris facere fugam aut operari opus occultum et omnis qui voluerit fugere vel abscondi, sit hoc cum Luna fuerit separata a malis et iuncta fortunis. Et sit Luna iuncta Saturno sub radiis et sit iuncta fortunae tempore egressionis suae de sub radiis. Et luminaria cum orta fuerint super aliquam rem, detegent eam et apparere eam facient, cave ergo ab aspectibus eorum in simili modo. Et cum quaesieris fugientem, sit hoc et Luna iuncta malis aut egrediatur de sub radiis et occurrat in ipso egressu suo malo ex quarto aspectu vel oppositione (aut coniunctione) et nunquam ponas Lunam nec planetam receptorem dispositionis in quarto. De eo quod non sit in duodecim signis ex electionibus. Et cum volueris scribere epistolam, sit hoc cum Luna fuerit iuncta Mercurio, munda a malis, et sit Mercurius fortis et fortunatus, non retrogradus, nec impeditus, sitque ipse et Luna mundi a malis. Explicit liber electionum Cehel Benbirs.