Logic: Isagoge 1.1 Capitulum primum et prohemiale Logic: Isagoge, Bk 1, Ch. 1 (of The Cure: Logic) al-Šifāʾ: al-Manṭiq: al-Madḫal, Bk 1, Ch. 1 Ibn Sīnā Avicenna translated by Avendauth transcribed by Anna Plate 0.4.0 Institute of Philosophy, University of Würzburg
Residenz, Südflügel 97070 Würzburg Germany
Creative Commons Attribution-ShareAlike 4.0 International (CC BY-SA 4.0) Arabic and Latin Corpus edited by Dag Nikolaus Hasse together with Jon Bornholdt Andreas Büttner Irina Galynina Alexander Birkenmajer, ‘Avicennas Vorrede zum Liber Sufficientiae und Roger Bacon’, in: Id. and Jerzy B. Korolec, eds, Etudes d’histoire des sciences et de la philosophie du Moyen Âge (Wroclaw, 1970), pp. 89–101, here pp. 98–101. Ibn Sīnā (Avicenna), al-Šifāʾ: al-Manṭiq: 1 – al-Madḫal, ed. Ibrahim Madkour (Cairo, 1952), pp. 9–11. Latin
Verba Auicenne philosophi regis.
[1.1] Capitulum primum et prohemiale ad ostendendum, quid contineat liber Asschyphe.

Dixit grandeuus princeps Abualy Alhyseini filius Abdillei filii Scine: Cum graciarum actione Deo secundum dignitatis ipsius bonitatem et inuocacione clemencie sue super omnes sui prophe- tas hunc librum exordiemur, fiduciam habentes, quod comitetur nos in eius ordinacione auxilium diuinum et temporis inducium ad ipsum perficiendum.

In quo quidem nostra est intencio, ut ponamus ipsum tam- quam medullam eius, quod uerificamus de radicibus in sentenciis attributis antecessoribus, constitutis super speculacionem ordina- tam ueridicam, et de radicibus inuentis per intelligendi actiones, coadiutrices ad intelligendum uerum, in quo studiose est prolixo tempore laboratum, quousque ad ultimum consenserunt secundum summas conueniencie. In ipsas plures opinionum sunt, quia propter ipsas repudiate caligines uoluntatum. Diligentem quoque curam ad- hibui, ut in ipso plurimum arcium concluderem et in omni loco ad incidenciam dubietatum innuerem, eas secundum posse meum declaracione ueridica dissoluendo. Et cum radicibus spaciosam ra- morum inserui explicacionem, preterquam in hiis, de quorum pre- sumebam manifestacione sufficienter ea intuenti, aut que mee non occurrerunt memorie, aut meam intelligenciam euaserunt. Et studui in abreuiacione sermonum et dimissione penitus repeticionum, nisi ex errore aut negligencia accidisset. Omisi eciam prolixitatem in contradicendo in opinionibus particule falsitatis, aut a quarum oc- cupacione excusari potui per id, quod iam firme statuerem de radi- cibus aut de canonibus demonstrarem. Neque in libris antiquorum quicquam inuenitur, de quo multum sit curandum, quod non in- cludat in se iste noster liber; si ergo non inueniatur in loco, ubi consuetum fuit poni, inuenietur in loco alio, qui mihi amplius com- petere uidebatur. Adiunxi preterea istis multa, que meo consecutus fui ingenio et mea conquisiui speculacione, et precipue in sciencia naturali et metaphisica et sciencia logices ................. Fuit autem consuetudo prolongare principia logices interserendo eis que non sunt logicalia, sed pertinent cuidam arti sapienciali, scilicet philo- sophie prime; pretermisi ergo inserere quicquam de hiis aut deti- nere tempus in eis, postponens ea usque ad locum suum. Visum autem est mihi, ut consequenter post hunc librum alium librum edam nominatum Dependencium, qui conterminetur uite mee termino et sit quasi glosa huius libri et quasi protensio radicum, que sunt in ipso, eius quod artatum est de ipsius intencionibus et suc- cinctum est. Quodque omni anno de ipso expleuero, temporali illius anno numero annotabo.

Est autem alius mihi liber preter hos libros duos, in quo posui philosophiam secundum id, quod eius est in natura, et secundum id, quod exigit opinio pura, non obseruando semitam aut partem, ad quam declinant participes in arte, neque formidando a suarum ictibus lancearum, hoc quod fuit in aliis formidatum. Et hic est liber meus in Phylosophia orientali. At uero iste liber magis planus est et cum participibus de Perypatheticorum numero plus concor- dans. Qui ergo uoluerint ueritatem, in qua non est titubacio, librum illum requirant. Qui uero uoluerint ueritatem secundum uiam, in qua est aliqua declinacio uersus principia et planicies multa, ali- qua tamen quasi coruscacionis resplendencia (quam si recte intel- lexerit, per hoc librum illum excusandum duxerit), istum appetant et requirant.

Capitulum logice Auicenne de excitando nos ad scienciam.

In exordio autem huius libri a logica incepi, adhibens diligen- ciam, ut logicorum libros imitarer, inserendo preterea intenciones ex subtilitatibus, ex quibus uacui sunt libri qui reperiuntur. Deinde consequenter scienciam naturalem ordinaui, ubi euenit mihi in pluribus rebus imitacio edicionis Aristotilis, scilicet precel- lentis in hac arte, et eius rememoracionis.

Deinde consequenter adiunxi geometriam, abreuiando librum Elementorum Euclidis abreuiacione subtili, et dissolui dubietates occurrentes in ipso et hoc cum temperatus (?) fui. Deinde consimilem apposui abreuiacioem libri Almagesti in astrologia, continentem cum abreuiacione intellectualem ac expla- nacionem. Postquam autem ipsum repleui, addidi ei addiciones eius, quod oportet scire discipulum ad complementum artis et per quod scitur conueniencia inter iudicia aspectualia et canones naturales.

Deinde abreuiacionem subtilem Libri introductorii in arismeti- cam apposui consequenter.

Deinde artificium quadruuiale sigillaui cum sciencie musice ap- plicacione secundum modum euidencie, qui se mihi obtulit cum longa inquisicione et subtili speculacione, similiter secundum uiam abreuiacionis.

Deinde totum librum conclusi cum sciencia metaphisice secun- dum suas participaciones et modos, innuendo in ipsa ad summam sciencie moralis et ciuilis, quoadusque in hac intencione librum edam proprium et singularem.

Et quamuis quidem iste liber paruus sit corpore, magnus tamen est sciencia; et si quis eum diligenter inspexerit et animaduerterit, plurimum adepcionis arcium consequetur ex addicionibus, quas non- dum ex aliis libris consuetus fuerat audire.

Prima autem summarum, que in ipso continetur, est sciencia logices. Prius uero quam tractatum logices aggrediamur, innuemus innuicione succincta ad illarum quidditatem scienciarum, ut huius nostri libri inspectorem tamquam speculatorem constituamus summe intencionum.